ضلع اننت ناگ میں آج پی ڈی پی کی جانب سے ایک ریلی کا انعقاد کیا گیا جس میں پارٹی کے کئی کارکنوں نے شرکت کی۔
اننت ناگ میں پی ڈی پی کا احتجاج
محبوبہ مفتی نے ریلی سے خطاب کرتے ہوئے مرکزی حکومت کے اس فیصلے کی سخت نکتہ چینی کی اور کہا کہ 'ان کے دور حکومت میں کسی بے گناہ کو گرفتار نہیں کیا گیا نہ ہی کسی اسلامی تنظیم پر پابندی عائد کی گئی'۔
انہوں نے انتخابات کے بارے میں کہا کہ 'کشمیر کے حالات اس وقت انتخابات کے لیے صحیح نہیں ہے'۔
محبوبہ مفتی کا کہنا ہے کہ 'وہ ضلعی سطح پر ہر ضلع میں جماعت اسلامی پر پابندی کے خلاف احتجاج کریں گے'۔
پارٹی کی جانب سے ریلی کو کھنہ بل سے ڈی سی آفس تک نکالنے کا پروگرام تھا، تاہم پولیس کی جانب سے ریلی کو کھنہ بل پولیس لائن سے آگے جانے نہیں دیا گیا۔
ریلی میں شامل احتجاجی مظاہرین نے گورنر انتظامیہ کے خلاف نعرے بازی کی۔
