آسٹریلیا: کوانٹاس طیارہ کمپنی کی پروازیں منسوخ

آسٹریلیا کی قومی طیارہ کمپنی کوانٹاس نے منگل کو بین الاقوامی پروازوں کو منسوخ کئے جانے کی مدت جولائی کے آخر تک بڑھا دی ہے۔

کونٹاس نے کہا کہ وہ کورونا وائرس(کوویڈ -19)سے پیدا مسائل کو برداشت کرنے کی مضبوط حالت میں ہے۔

کمپنی نے کہا کہ گھریلو پروازیں جون کے آخر تک منسوخ رہیں گی جبکہ بین الاقوامی خدمات کو اب جولائی کے آخر تک ملتوی کردیا گیا ہے۔

کمپنی کے سی ای او ایلن جائس نے کہاکہ' ہمیں امید ہے کہ گھریلو پروازیں پہلے کی طرح ہی شروع کردی جائیں گی، لیکن یہ واضح ہےکہ ہم کووڈ- 19 سے پہلے جیسی حالت میں اتنی جلدی نہیں پہنچ سکیں گے'۔