پولیس نے منگل کو جنوبی کشمیر کے ضلع اننت ناگ ضلع کے واہ بمڈورہ ڈورو علاقے میں ایک کھیت میں مردہ پائے جانے والے شخص کی شناخت کر لی ہے۔
پولیس کے عہدیداروں نے بتایا کہ لاش واہ بمڈورہ ڈورو گاؤں سے ملی۔ لاش کی شناخت غلام محمد واگے ولد محمد شعبان واگے ساکن شنگران ڈورو کے طور پر کی گئی ہے۔
ایک پولیس اہلکار نے ای ٹی وی بھارت کو بتایا کہ کچھ مقامی لوگوں نے کھیت میں لاش پڑی ہوئی دیکھی اور اس کے بعد متعلقہ پولیس اسٹیشن (Police Station) کو اطلاع دی۔
یہ بھی بڑھیں:Bus Stand Anantnag in Shambles: جنرل بس اسٹینڈ اننت ناگ خستہ حالی کا شکار
پولیس کی ٹیم نے موقع پر پہنچ کر لاش کو اپنی تحویل میں لے لیا۔
پولیس نے مزید کہا ہے کہ لاش پر تشدد کے نشانات موجود نہیں ہیں، موت قدرتی معلوم ہوتی ہے۔ البتہ پوسٹ مارٹم(Post Mortem) کی رپورٹ کے بعد ہی موت کی اصل وجہ سامنے آئے گی۔
