ناگپور میں بھارت اور آسٹریلیا کے درمیاں کھیلے جانے والے ون ڈے میچ کے دوران سٹہ بازی کرنے اور پیسے ہڑپنے کے معاملے میں ان دو لوگوں کو گرفتار کیا گیا۔
پولیس کے مطابق گرفتار شدہ افراد میں صراف جیتندر اور جگوانی یشونت شامل ہیں۔ یہ کرکٹ مزہ نامی ایک موبائل اپلیکیشن کے ذریعے سٹہ بازی کر رہے تھے۔ گرفاری کے بعد انہوں نے اپنا جرم قبول کرلیا ہے۔
پولیس نے مزید کہا کہ ملزم موبائل ایپ کے ذریعے میچ کی تفصیلات فراہم کررہے تھے اورمیچ کی ہر بال پر شرط لگا کر تقریباً بیس لوگوں کے پیسے ہڑپ لیے تھے۔
واضح رہے کہ گرفتار کئے گئے ملزموں میں سے جیتو نامی ایک شخص کو اس سے قبل بھی 2017 میں سٹہ بازی کے معاملے میں ہی گرفتار کیا گیا تھا۔
پولیس نے پکڑے گئے ملزموں سے ڈیڑھ لاکھ روپے نقد، چھ موبائل فونز، ایک لیپ ٹاپ، اور ایک ٹیلی ویژن سیٹ بر آمد کیا ہے۔
