'پاکستان کو دہشت گرد ملک قرار دینے پر مصیبتیں بڑھ جائیں گی'

نیشنل کانفرنس کے صدر فاروق عبداللہ نے کہا کہ اگر کشمیر مسئلہ حل کرنا ہے تو دونوں ممالک کو اپنے آپسی اختلافات دور کرنے ہوں گے۔

جموں و کشمیر کے سابق وزیراعلى اور نیشنل کانفرنس کے صدر فاروق عبداللہ نے سرینگر میں پارٹی کارکنان سے خطاب کرتے ہوئے کہا کہ ہندوستان اور پاکستان کو آپس میں مذاکرات کا سلسلہ شروع کرنا چاہیے تا کہ مسائل کا حل نکلے۔

انہوں کہا کہ پاکستان کو اپنی سر زمین سے دہشت گردی کو ختم کرنا چاہئے کیونکہ اگر دنیا نے پاکستان کو دہشت گرد ملک قرار دیا تو اسکے کے لیے مصیبتیں بڑھ جائیں گی۔

فاروق عبداللہ نے کہا کہ بھارت اور پاکستان کے درمیان کئی جنگیں ہو چکی ہیں لیکن نتیجہ کچھ نہیں نکلا۔

انہوں پارٹی کارکنان سے اپیل کی وہ انتخابات کیلئے تیار رہیں۔