సమైక్యవాది పవన్‌ కల్యాణ్‌తో ఈటల రాజేందర్‌ ఎలా కలుస్తారు : మంత్రి హరీశ్​రావు

Minister Harish Rao Fires on Pawan Kalyan : తెలంగాణ వచ్చినప్పుడు అన్నం తినాలనిపించలేదని జనసేన అధినేత పవన్‌ కల్యాణ్‌ అన్నారని వైద్య ఆరోగ్య శాఖ మంత్రి హరీశ్‌రావు ధ్వజమెత్తారు. అలాంటి పవన్‌ కల్యాణ్‌తో బీజేపీ ఎలా పొత్తు పెట్టుకుందని ప్రశ్నించారు. హుజూరాబాద్‌లో పాడి కౌశిక్‌రెడ్డి నామినేషన్‌కు వెళ్లిన హరీశ్‌రావు.. అనంతరం రోడ్‌షోలో పాల్గొన్నారు. కాంగ్రెస్‌, బీజేపీలపై విమర్శలు చేశారు. సమైక్యవాదులతో కలిసి ఈటల రాజేందర్‌ తెలంగాణ ఆత్మగౌరవాన్ని దెబ్బ తీస్తున్నారని విమర్శించారు. 

Harish Rao Comments on Etela Rajender : ఈటల.. తెలంగాణ ఆత్మగౌరవం ఎక్కడ పోయిందని ప్రశ్నించారు. ఈ ఎన్నికల్లో మోసపోతే.. కచ్చితంగా గోసపడతామని అన్నారు. తెలంగాణలో కోటి కుటుంబాలకు కేసీఆర్‌ బీమా పథకం ఇస్తామని హామీ ఇచ్చారు. బీఆర్‌ఎస్‌ ప్రభుత్వం చాలా మంచి కార్యక్రమాలు చేసిందని చెప్పుకొచ్చారు. కాంగ్రెస్‌ ప్రభుత్వం వస్తే.. ప్రతి విషయానికి దిల్లీకి వెళ్లాలని ఎద్దేవా చేశారు. అన్ని సర్వేల్లో కాంగ్రెస్‌ రెండో స్థానం.. బీజేపీ మూడో స్థానంలో ఉందన్నారు. డిసెంబరు 3 తర్వాత బీఆర్‌ఎస్‌ ప్రభుత్వం అధికారంలోకి రాగానే రేషన్‌ దుకాణాల్లో సన్నబియ్యం ఇస్తామని స్పష్టం చేశారు.