మోత్కూరులో రోడ్డు ప్రమాదం.. ఇద్దరు విద్యార్థులు మృతి

యాదాద్రి భువనగిరి జిల్లా మోత్కూరు మున్సిపాలిటీ కేంద్రంలోని కాశవారిగూడెంలో రోడ్డు ప్రమాదం జరిగింది. ఈ ఘటనలో ఇద్దరు మృతి చెందగా మరొకరు తీవ్రంగా గాయపడ్డారు.

యాదాద్రి భువనగిరి జిల్లా మోత్కూరు మున్సిపాలిటీ కేంద్రంలోని కాశవారి గూడెం వద్ద రోడ్డు ప్రమాదం జరిగింది. ద్విచక్ర వాహనంపై వెళ్తున్న ముగ్గురు విద్యార్థులు ఎదురుగా వస్తున్న తుపాన్​ వాహనాన్ని ఢీ కొట్టారు. ప్రమాదంలో ఇద్దరు ఘటనా స్థలిలోనే మృత్యువాతపడ్డారు. ఒకరు తీవ్రంగా గాయపడగా ఆస్పత్రికి తీసుకెళ్లారు.

హైదరాబాద్​లో ఓల్డ్ మేరి కళాశాలలో నర్సింగ్ చదువుతున్న సాయిచరణ్, తేజగౌడ్... శ్రీకర్ హాస్పిటల్​లో పనిచేస్తున్న తిరుమలేశ్​తో కలిసి భువనగిరి జిల్లాలోని అడ్డగూడూర్​ వద్ద ఓ ఫంక్షన్​లో పాల్గొనేందుకు ద్విచక్రవాహనంపై వస్తున్నారు. మోత్కూరు కాశవారిగూడెం వద్ద ఎదురుగా వస్తున్న తుపాన్​ వాహనాన్ని బలంగా ఢీ కొట్టారు. ప్రమాదంలో ఇద్దరు ఘటనా స్థలిలోనే మృతి చెందారు. ఒకరు తీవ్రగాయాలపాలవగా భువనగిరి ఏరియా ఆస్పత్రికి తీసుకెళ్లారు. మృతులు సంగారెడ్డి, ఆదిలాబాద్​కు చెందిన వారిగా గుర్తించారు.

ఇదీ చూడండి: 8 గంటల రెస్క్యూ... లోకోపైలెట్‌ సురక్షితం