'ప్రతి ఆదివారం పది నిమిషాలు'లో పాల్గొన్న ఎమ్మెల్యే కొప్పుల దంపతులు

పరిగిలోని స్వగృహంలో ఎమ్మెల్యే కొప్పుల మహేశ్​ రెడ్డి దంపతులు ప్రతి ఆదివారం పది గంటలకు పది నిమిషాలు కార్యక్రమంలో పాల్గొన్నారు. స్వయంగా ఎమ్మెల్యే దంపతులు తమ ఇంటి పరిసరాలను శుభ్రం చేశారు.

వికారాబాద్ జిల్లా పరిగిలో స్థానిక ఎమ్మెల్యే కొప్పుల మహేశ్​ రెడ్డి దంపతులు ప్రతి ఆదివారం పది గంటలకు పది నిమిషాలు కార్యక్రమంలో పాల్గొన్నారు. తమ ఇంటి పరిసరాలతోపాటు పూల మెుక్కల కుండీలను శుభ్రపరిచారు. ఈ కార్యక్రమం నిరంతరంగా పది వారాల పాటు కొనసాగించాలని ఎమ్మెల్యే ప్రజలను కోరారు.

ప్రతి ఆదివారం కేవలం పది నిమిషాల సమయం ఇంటి శుభ్రత కోసం కేటాయిస్తే మలేరియా, డెంగీ లాంటి సీజనల్ వ్యాధులను అరికట్టడానికి వీలవుతుందని మహేశ్​ రెడ్డి పేర్కొన్నారు.