అన్ని సరుకులు ఒకే చోట..

నిత్య జీవితంలో ప్రతి కుటుంబానికీ కూరగాయలు, పండ్లు, పూలు, పాలు, మాంసం, చేపలు, నిత్యావసరాలు అవసరం. ఒక్కో సరుకు కోసం ఒక్కో చోటుకు ప్రజలు పరుగులు తీస్తుంటారు. సిద్దిపేటలో మాత్రం ఇక నుంచి ఇవన్నీ ఒకేచోట దొరకనున్నాయి.

సిద్దిపేటలో రూ.20 కోట్లతో నిర్మించిన సమీకృత మార్కెట్‌ను మాజీ మంత్రి, ఎమ్మెల్యే హరీశ్​ రావు ప్రారంభించారు. దాదాపు 80 వేల చదరపు అడుగుల విస్తీర్ణంలో ఈ మార్కెట్‌ అందుబాటులోకి వచ్చింది. మాంసం, పండ్లు, పూల విక్రయానికి సైతం వేర్వేరుగా సముదాయాలు నిర్మించారు. ఇంకా ఓ సూపర్‌ మార్కెట్‌, వివిధ రంగాలకు సంబంధించిన దుకాణాలు, రెస్టారెంట్‌ సైతం ఏర్పాటవుతుండటం విశేషం.

ప్రజలకు కావాల్సిన అన్ని రకాల వస్తువులు దొరికేలా దీన్ని రూపొందించారు.వినియోగదారుల కోసం రెండు లిఫ్ట్‌లు, సరకుల తరలింపునకు మరో రెండు లిఫ్ట్‌లు ఏర్పాటు చేశారు. మెట్లు, ర్యాంప్‌ సౌకర్యం ఏర్పాటు చేశారు.