రహదారిపైకి భారీగా చేరిన నీరు.. లారీ బోల్తా

సిద్దిపేట జిల్లా కోహెడ మండలం బస్వాపూర్ వద్ద... వర్షం నీరు రహదారిపైకి చేరి లారీ బోల్తా పడింది. స్థానికులు క్లీనర్​ను కాపాడారు. అగ్నిమాపక సిబ్బంది డ్రైవర్​ కోసం గాలిస్తున్నారు.

మూడు రోజులుగా కురుస్తున్న వర్షాలకు... సిద్దిపేట జిల్లా కోహెడ మండలం బస్వాపూర్ వద్ద సిద్దిపేట-హన్మకొండ ప్రధాన రహదారిపై మోయతుమ్మెద వాగు ఉద్ధృతంగా ప్రవహిస్తోంది. నీటి ప్రవాహానికి లారీ బోల్తా పడింది. దీంతో రహదారిపై వాహనాల రాకపోకలు నిలిచిపోయాయి. స్థానికులు క్లీనర్​ను కాపాడగా... పోలీసులు సాయంతో అగ్న మాపక సిబ్బంది... డ్రైవర్​ ఆచూకీ కోసం గాలిస్తున్నారు. కోహెడలోని దుకాణాల్లోకి వర్షం నీరు చేరింది. పలు గ్రామాల్లో పంట పొలాలు మునిగి రైతులకు తీవ్ర నష్టం వాటిల్లింది.