'నిబంధనలు అతిక్రమిస్తే కూల్చేయడమే..'

జిల్లాలో అక్రమ నిర్మాణాలను స్థానిక అధికారుల సహాయంతో వివరాలు సేకరించామని జిల్లా పంచాయతీ అధికారి సురేశ్​ మోహన్ తెలిపారు. సంగారెడ్డి జిల్లా అమీన్​పూర్ మండలం కిష్టారెడ్డి పేట గ్రామ పరిధిలో కూల్చివేస్తున్న అక్రమ నిర్మాణాలను ఆయన పరిశీలించారు.

నిబంధనలు అతిక్రమించి నిర్మాణాలు చేపట్టిన భవనాలను కూల్చివేస్తున్నామని సంగారెడ్డి జిల్లా పంచాయతీ అధికారి సురేశ్​ మోహన్​ తెలిపారు. సంగారెడ్డి జిల్లా అమీన్​పూర్​ మండలం కిష్టారెడ్డి పేట గ్రామంలో అక్రమ నిర్మాణాల కూల్చివేతను ఆయన పరిశీలించారు. గత 15 రోజుల నుంచి భవనాలు కూల్చివేస్తున్నామని తెలిపారు.

జీప్లస్​టు అనుమతి తీసుకుని అక్రమంగా నిర్మిస్తున్నారని... అదేవిధంగా అక్రమ లేఅవుట్లు వేసి నిర్మాణాలు చేపట్టిన వారి వివరాలు సర్వే ద్వారా సేకరించామని వెల్లడించారు. వాటన్నింటినీ కూల్చేస్తామని తెలిపారు. అలాగే గ్రామ పంచాయతీల్లో గ్రామ కంఠం భూములు కూడా స్వాధీనం చేసుకుంటామన్నారు.

ఇదీ చూడండి: వైరస్ భయం..కుటుంబంతో సహా పొలానికి మకాం