'పసుపు బోర్డు ఏర్పాటు ఎప్పుడు చేస్తారు...?'

నిజామాబాద్​ ఆర్మూర్​లో రైతు ఐక్య కార్యాచరణ కమిటీ ప్రతినిధులు సమావేశమయ్యారు. పసుపు బోర్డుపై ఎంపీ అర్వింద్​ ఎలాంటి చర్యలు తీసుకోవట్లేదని ఆగ్రహించారు. ఎంపీగా గెలిచి మూడు నెలలు అవుతున్నా ఇంకా కాలాయాపన చేస్తున్నారని మండిపడ్డారు. పసుపు బోర్డు ఏర్పాటు చేయకుంటే రాజీనామా చేస్తానని అన్నారని ప్రతినిధులు గుర్తు చేశారు.

నిజామాబాద్​ ఎంపీ అర్వింద్​, భాజపా అగ్రనాయకులు రాజ్​నాథ్​ సింగ్​, రామ్​ మాధవ్​లపై రైతు ఐక్య కార్యాచరణ కమిటీ ప్రతినిధులు ఆర్మూర్​లో ఆగ్రహం వ్యక్తం చేశారు. గత ఎన్నికల ప్రచారంలో ఐదు రోజుల్లో పసుపు బోర్డు ఏర్పాటు చేస్తామని ప్రకటించి.. మాట తప్పారని ధ్వజమెత్తారు. అర్వింద్​ గెలిచాక నెలరోజుల్లో పసుపు బోర్డు ఏర్పాటు చేస్తామని.. మూడు నెలలు కావొస్తున్నా.. ఎలాంటి కదలిక లేదని మండిపడ్డారు. పసుపు బోర్డు ఏర్పాటు చేయకుంటే రాజీనామా చేస్తానని బాండ్​ పేపర్​ కూడా విడుదల చేశారని గుర్తు చేశారు. ఈ నెల 26న దిల్లీలో జరిగిన సమావేశంలో పసుపు పంటను ఎలా పండించాలో ఎంపీ చెప్పడం హాస్యాస్పదంగా ఉందన్నారు. అర్వింద్​ తను చిత్తశుద్ధిగా నెరవేర్చకపోతే తగిన శాస్తి జరుగుతుందని హెచ్చరించారు.

ఇవీ చూడండి : జగిత్యాల జిల్లాలో.. వెన్నలగండి పర్యాటకం