వేసవిలో నీటి సమస్య లేకుండా చర్యలు చేపడతాం

వేసవి కాలంలో నీటి సమస్య లేకుండా చర్యలు చేపడతామని మెదక్​ మున్సిపల్​ ఛైర్మన్​ మల్లికార్జున్​ గౌడ్​ అన్నారు. ఇవాళ మున్సిపల్ కార్యాలయంలో​ సర్వసభ్య సమావేశం నిర్వహించారు.

మెదక్​లో మున్సిపల్​ సర్వసభ్య సమావేశం జరిగింది. వేసవిలో నీటి సమస్య, అభివృద్ధి కార్యక్రమాలపై చర్చించారు. లోక్​సభ ఎన్నికల కోడ్​ అమల్లో ఉన్నందున అభివృద్ధి పనులు చేపట్టకూడదని నిర్ణయించారు. మిషన్​ భగీరథ తవ్వకాలతో ప్రజలు ఇబ్బంది పడుతున్నారని... త్వరగా పనులు పూర్తి చేయాలని కాట్రాక్టర్​ను ఆదేశించారు. మెదక్​ పట్టణంలో రోడ్లు గుంతల మయంగా మారాయని వెంటనే మరమ్మతులు చేయాలని కౌన్సిల్​ సభ్యులు కోరారు.

వేసవి కాలంలో మంచి నీటి సమస్య లేకుండా చర్యలు చేపడతామని మున్సిపల్​ ఛైర్మన్​ మల్లికార్జున్​ గౌడ్​ తెలిపారు. ప్రైవేట్​ బోర్లు అద్దెకు తీసుకుని నీటి సరఫరా చేస్తామన్నారు. ఈ కార్యక్రమంలో మున్సిపల్ వైస్ ఛైర్మన్, కమిషనర్, కౌన్సిలర్లు పాల్గొన్నారు.

ఇవీ చూడండి:'దాడులు చేసినంత మాత్రాన మోదీకి జైకొట్టం'