పెళ్లిపత్రికలు పంచేందుకు వెళ్లి...

పెళ్లి తేది దగ్గర పడుతోంది... పనులన్నీ అలాగే ఉన్నాయి. కూతురి పెళ్లి గొప్పగా చేయాలి. చుట్టాలకు పత్రికలివ్వాలనుకుంటూ బయలుదేరిన ఆ తండ్రి ఇక ఇంటికి రాలేదు. రోడ్డు ప్రమాదంలో మరణించాడు.

జయశంకర్​ భూపాలపల్లి జిల్లా మహదేవ్​పూర్​లో విషాదం చోటుచేసుకుంది. కుమార్తె పెళ్లి పత్రికలు పంచేందుకు వెళ్లిన తండ్రి... రోడ్డు ప్రమాదానికి గురై మృతి చెందాడు. కుమ్రం భీం జిల్లా కాగజ్​నగర్‌కు చెందిన కౌశెట్టి గౌరయ్య... ద్విచక్ర వాహనంపై వెళ్తుండగా వెనుక నుంచి వచ్చిన ఇసుక టిప్పర్ ఢీకొనడంతో అక్కడిక్కడే మృతి చెందాడు. గౌరయ్య మృతితో కుంటుంబసభ్యులు శోకసంద్రంలో మునిగిపోయారు. కేసు నమోదు చేసుకున్న పోలీసులు దర్యాప్తు చేపట్టారు.

ఇవీ చూడండి:ఇలా కూడా మోసం చేస్తారా?