జగిత్యాలలో బీభత్సం సృష్టించిన అకాల వర్షం

జగిత్యాల జిల్లాల్లో అకాలవర్షం రైతులకు తీరని నష్టం తెచ్చిపెట్టింది. సుమారు గంట పాటు కురిసిన వానకు కొనుగోలు కేంద్రాలలో ఆరబెట్టుకున్న ధాన్యం తడిసి ముద్దయింది. తీవ్ర గాలులకు ఇళ్లపై రేకులు ఎగిరిపోయాయి.

చేతికందిన పంట నోటికందే దశలో మట్టిపాలైందని అన్నదాతలు ఆవేదన వ్యక్తం చేస్తున్నారు. జగిత్యాల జిల్లాల్లో కురిసిన అకాల వర్షం బీభత్సం సృష్టించింది.

గాలికి ఎగిరిపోయిన రేకులు

గాలివాన బీభత్సం

జగిత్యాల జిల్లా బీర్‌పూర్‌ మండలంలో జోరువాన దంచి కొట్టింది. బీర్‌పూర్‌, తుంగూరు, నర్సింహులపల్లె, కొలువాయి గ్రామాల్లో 20కిపైగా ఇళ్ల రేకులు కొట్టుకుపోయాయి. వరితో పాటు కోళ్ల ఫాం రైతులకు నష్టం వాటిల్లింది. గ్రామాల్లో విద్యుత్​ వైర్లు తెగిపడి సరఫరా నిలిచిపోయింది.

లేచిపోయిన కప్పు

ఇదీ చూడండి: ఏపీ అంబులెన్సులకు నో ఎంట్రీ... రాష్ట్ర సరిహద్దులో ఆందోళనకర పరిస్థితి