ఇంటర్​ విద్యార్థి అదృశ్యం...

హైదరాబాద్​ నల్గగుట్టలోని ప్రభుత్వ జూనియర్​ కళాశాలలో ఇంటర్​ చదువుతున్న విద్యార్థి అదృశ్యమైంది. ఈ నెల 21న ఇంటి నుంచి వెళ్లిన విద్యార్థి తిరిగి రాలేదని బంధువులు తెలిపారు. అదృశ్యంపై రాంగోపాల్​పేట్​ పోలీస్​ స్టేషన్​లో కేసు నమోదైంది.

హైదరాబాద్​ రాంగోపాల్​పేట్​ పోలీస్​స్టేషన్​ పరిధిలో ఇంటర్​ మొదటి సంవత్సరం చదువుతున్న విద్యార్థి అదృశ్యమైంది. నల్లగుట్టలోని తన అమ్మమ్మ ఇంట్లో ఉంటూ తేజస్విని ప్రభుత్వ జూనియర్​ కళాశాలలో చదువు కుంటుంది. ఈనెల 21న కళాశాలకు వెళ్తున్నానని చెప్పి బయటకు వెళ్లిన విద్యార్థి తిరిగి ఇంటికి రాలేదు. విద్యార్థిని ఆచూకీ కోసం బంధువులు, స్నేహితుల ఇళ్లలో వెతికిన ఫలితం దక్కలేదు. 21 న కళాశాలకు కూడా తేజస్విని రాలేదని యాజమాన్యం తెలిపింది. ఆందోళన చెందిన బంధువులు రాంగోపాల్​పేట్​ పోలీస్​ స్టేషన్​లో ఫిర్యాదు చేశారు. విద్యార్థి అదృశ్యంపై కేసు నమోదు చేసిన పోలీసులు.. త్వరలోనే తేజస్విని జాడ తెలుసుకుంటామన్నారు.

ఇవీ చూడండి: నమ్మించి మోసం చేశాడు... వితంతువు ఆవేదన