నకిలీ ధ్రువపత్రాలు సృష్టించి భూములను అమ్ముతున్న 5 మంది నిందితులను హైదరాబాద్ జవహర్ నగర్ పోలీసులు అరెస్ట్ చేశారు. జవహర్నగర్లోని మాజీ సైనిక ఉద్యోగుల స్థలాలను అమ్ముతూ... పట్టుబడినట్లు పోలీసులు తెలిపారు. మాజీ సైనిక ఉద్యోగుల స్థలాలను లక్ష్యంగా చేసుకొని వారి భూములను ఆక్రమించి ఇతర వ్యక్తులకు అమ్ముతున్నట్లు వెల్లడించారు. ఓ మాజీ సైనిక ఉద్యోగికి సంబంధించిన 5 ఎకరాల భూమిని అమ్మినట్లు పోలీసులు గుర్తించారు. సైనిక అధికారులు తమ స్థలానికి వచ్చి చూడగా... ఇతర వ్యక్తులకు భూమిని అమ్మినట్లు తెలియగా... వెంటనే జవహర్నగర్ పోలీసులను ఆశ్రయించారు. నకిలీ రబ్బరు స్టాంపులు, పత్రాలు సృష్టించి అక్రమాలకు పాల్పడితే కఠిన చర్యలు ఉంటాయని పోలీసులు హెచ్చరించారు.
ఇవీ చూడండి: తెలంగాణలో కొత్తగా 1410 కరోనా పాజిటివ్ కేసులు నమోదు
