గణేశ్ సంబురాల నుంచి బాధ్యతలు నేర్చుకున్నాం...

గణేశుడి పండుగంటే సంబురాలే కాదు యువతరం బాధ్యతలను కూడా గుర్తుచేస్తుందంటున్నారు హైదరాబాద్ కూకట్​పల్లిలోని ధనలక్ష్మి యువసేన కుర్రాళ్లు. 25 ఏళ్లుగా వివిధ రూపాల్లో గణపతిని ప్రతిష్ఠించి ఆరాధిస్తున్న ఈ యువకులు పండుగలోని పరమార్థాన్ని ఆకలింపుచేసుకొని సంబురాలు జరుపుకుంటున్నారు. కుల మతాలకు అతీతంగా గణేశుడి పండుగను జరుపుకుంటూ ఆదర్శంగా నిలుస్తున్నారు.

పర్యావరణ పరిరక్షణ మిత్రుడిగా భావించే గణేశుడితో చెలిమి చేస్తూ తమ స్నేహబంధాన్ని నిలుపుకుంటున్నారు. పండుగ వేళ వేసే మండపం దగ్గరి నుంచి నిమజ్జనం వరకు చేసుకునే ప్రణాళిక, పంచుకునే బాధ్యతలు తమ వ్యక్తిగత జీవితాలు, ఉద్యోగాలకు అన్వయించుకొని వారి వారి రంగాల్లో ఉన్నతంగా ఎదుగుతున్నారు. అలాంటి యువకులు ఈ ఏడాది 13 రోజులపాటు గణేశుడి ఉత్సవాలను జరుపుకుంటామని, వైభవంగా గణనాయకున్ని ఆరాధిస్తామని చెబుతోన్న కూకట్​పల్లి ధనలక్ష్మి యువసేన కుర్రాళ్లతో ఈటీవీ భారత్ ప్రతినిధి సతీశ్​ ప్రత్యేక ముచ్చట్లు.

ఇదీ చూడండి: 'డబ్బులివ్వకపోతే... నాగుపాముతో కరిపిస్తా'