ముఖ్యమంత్రి కేసీఆర్ శుక్రవారం దిల్లీ వెళ్లనున్నారు. మూడు రోజుల పర్యటన కోసం శుక్రవారం ఉదయం ఆయన ప్రత్యేక విమానంలో హస్తిన బయల్దేరనున్నారు. కేంద్ర ఆర్థికశాఖ మంత్రి నిర్మలా సీతారామన్, పౌరసరఫరాల శాఖ మంత్రి నరేంద్ర తోమర్ తదితరులను సీఎం కేసీఆర్ కలిసే అవకాశం ఉంది.
రాష్ట్రానికి చెందిన పలు అంశాలను కేంద్ర మంత్రుల దృష్టికి తీసుకెళ్లనున్నారు. అవకాశం ఉంటే ప్రధానమంత్రి నరేంద్రమోదీని కూడా కలుస్తారని తెలుస్తోంది. దిల్లీలో తెరాస కార్యాలయ నిర్మాణం కోసం ఇప్పటికే స్థలాన్ని కేటాయించిన నేపథ్యంలో ఆ స్థలాన్ని పరిశీలించనున్నట్లు సమాచారం.
ఇదీ చూడండి: 'సిద్దిపేట ఎంతో క్రియాశీలకం.. భవిష్యత్లో అంతర్జాతీయ విమానాశ్రయం'
