రాజ్యాంగ హక్కులను కేసీఆర్ కాలరాస్తున్నారని సీఎల్పీ నేత భట్టి విక్రమార్క ఆగ్రహం వ్యక్తం చేశారు. తెరాసలో సీఎల్పీ విలీనమైనట్లు సీఎం సభను తప్పుదారి పట్టించారని అన్నారు. ఒకేసారి 12 మంది కాంగ్రెస్ ఎమ్మెల్యేలు మీటింగ్ పెట్టుకుని తెరాసలో విలీనం అయినట్లు చెప్పలేదన్నారు. పార్టీ మారిన ఎమ్మెల్యేలు వివిధ తేదీల్లో మారుతున్నామని చెప్పారని... ఇది ఏ విధంగా విలీనం అవుతుందని భట్టి ప్రశ్నించారు. మొదటగా పార్టీ మారుతున్నట్లు ప్రకటించిన వారిపై చర్యలు తీసుకోవాలని స్పీకర్కు ఫిర్యాదు చేశామని...రాజ్యాంగానికి లోబడి 10వ షెడ్యూల్కు అనుగుణంగా వారిపై చర్యలు తీసుకుని ఉంటే విలీనం ఉత్పన్నం అయ్యేది కాదని పేర్కొన్నారు.
ఆర్టీసీని ప్రైవేటుపరం చేయడాన్ని అడ్డుకుంటామని భట్టి స్పష్టం చేశారు. ఆర్టీసీ కార్మికులకు అండగా ఉంటామన్నారు. ఆర్టీసీ సమ్మెపై ఇంఛార్జీ ఎండీ మాట్లాడాన్ని ఆయన తప్పుబట్టారు. కొంత మంది పోలీసు, ఐఏఎస్ అధికారులతో రాష్ట్రాన్ని నడపాలని కేసీఆర్ చూస్తున్నారని విమర్శించారు.
ఇదీ చూడండి: సీఎం చెప్పినట్టే వింటాం.. మహిళా కండక్టర్ల కన్నీటి పర్యంతం..
