భద్రాద్రి కొత్తగూడెం జిల్లా ఇల్లందు మండలంలో ఈదురుగాలులతో కూడిన వర్షం బీభత్సం సృష్టించింది. గాలి ధాటికి మండలంలోని మామిడిగుండాల గ్రామంలో రాంబాబు, కోటయ్య ఇళ్ల పైకప్పులు ఎగిరిపోయాయి. కల్తీ సమ్మయ్య ఇంటి గోడ కూలింది. కొబ్బరి చెట్టు వరిగి రాధాకృష్ణ ఇంటిపై పడటం వల్ల ఇల్లు ముందు భాగం కూలిపోయింది.
మర్రిగూడెం గ్రామంలో మొక్కజొన్న పంట తడిసింది. పలుచోట్ల విద్యుత్ స్తంభాలు ఒరగడం వల్ల విద్యుత్ సరఫరాకు అంతరాయం ఏర్పడింది. గత మూడు రోజులగా కురుస్తున్న వర్షాలతో రైతులు తీవ్ర అందోళన చెందుతున్నారు.
ఇదీ చూడండి: స్వస్థలాలకు చేరుకోనున్న 4500 మంది వలస కార్మికులు
