70కోళ్లు మృతి: అంతుచిక్కని ఆ వ్యాధి ఏంటి?

అంతుచిక్కని వ్యాధితో 70కి పైగా కోళ్లు మృతి చెందిన ఘటన ఇల్లందులో చోటు చేసుకుంది. మృతికి గల కారణాలు తెలుసుకునేందుకు పశు వైద్య అధికారులు ప్రయత్నిస్తున్నారు.

భద్రాద్రి కొత్తగూడెం జిల్లా ఇల్లందు మండలంలోని విజయ లక్ష్మీనగర్‌ పంచాయతీలో 70కి పైగా కోళ్లు మృతి చెందాయి. అంతుచిక్కని వ్యాధితో కోళ్లు చనిపోయినట్లు... వాటి పెంపకందారులు ఆవేదన వ్యక్తం చేస్తున్నారు.

పశువైద్య అధికారులను సంప్రదించగా మృతిచెందిన కోళ్ల కళేబరాలను పరీక్ష నిమిత్తం తరలించారు. పరీక్షల అనంతరం వాటి మృతికి గల కారణాలు తెలియాల్సి ఉంది.

ఇదీ చదవండి:చీమలు గీసిన రూపం.. 'చిండీ మాత' ఆలయం!