టీమ్ఇండియాపై టెస్టు సిరీస్ ఓడిపోవడంపై ఆస్ట్రేలియా ఓపెనర్ డేవిడ్ వార్నర్ అంగీకరించాడు. భారత జట్టు చేతిలో తేలిపోయామని అన్నాడు. అద్భుత ప్రదర్శన చేసిన ప్రత్యర్థి జట్టను అభినందించాడు. గాయాలతో కీలక ఆటగాళ్లు దూరమైనప్పటికీ.. నిర్ణయాత్మక మ్యాచ్లో అసాధారణంగా ఆడారని వార్నర్ ప్రశంసించాడు. అడిలైడ్లో టెస్టులో అత్యల్ప స్కోరు 36 నమోదు చేసినా సరే గొప్పగా పుంజుకున్నారని మెచ్చుకున్నాడు.
"గెలవాల్సిన చోట ఓడిపోయాం. ఫలితం పట్ల అసంతృప్తిగా ఉన్నాం. సిరీస్ ఆసాంతం టీమ్ఇండియా ఉత్తమ ప్రదర్శన చేసింది. గెలుపు కోసం తీవ్రంగా కృషి చేశాం. మా స్థాయికి తగ్గట్లు ఆడాం. కానీ, మేం ఓడిపోయాం. మ్యాన్ ఆఫ్ ద సిరీస్ అందుకున్న కమిన్స్ అద్భుతంగా బౌలింగ్ చేశాడు"
-డేవిడ్ వార్నర్, ఆస్ట్రేలియా ఓపెనర్
సిరీస్ విజయంతో భారత్.. టెస్టు ఛాంపియన్షిప్ పాయింట్ల పట్టికలో అగ్రస్థానానికి చేరుకుందని వార్నర్ చెప్పాడు. రేసులో నిలిచేందుకు దక్షిణాఫ్రికా టెస్టు సిరీస్పై దృష్టి సారించినట్లు పేర్కొన్నాడు.
ఇదీ చదవండి: ఆసీస్ జట్టులో భారీ మార్పులు జరగొచ్చు: వార్న్
