ఇంగ్లాండ్ గడ్డపై ఆస్ట్రేలియా యాషెస్ సిరీస్ సొంతం చేసుకుని 18ఏళ్లు దాటింది. మాజీ సారథులు రికీ పాంటింగ్ వశం కాలేదు.. క్లార్క్ దరిచేరలేకపోయాడు.. ఆసీస్ దిగ్గజ సారథులుగా పేరు తెచ్చుకున్న వీరి వల్ల కాని ఈ ఘనతకు అనుకోకుండా కెప్టెన్ అయిన టిమ్ పైన్ అడుగు దూరంలో ఉన్నాడు. ప్రస్తుతం జరుగుతున్న ఐదు టెస్టుల యాషెస్లో 2-1 తేడాతో ఆధిక్యంలో ఉన్న కంగారూ జట్టు.. చివరి టెస్టు డ్రా చేసుకున్నా సిరీస్ దక్కించుకుంటుంది.
ఇంగ్లాండ్లో చివరగా స్టీవ్ వా సారథ్యంలో 4-1 తేడాతో యాషెస్ సిరీస్ కైవసం చేసుకుంది ఆసీస్. అంతకుముందు గ్రేగ్ చాపెల్ మాదిరిగానే స్టీవ్వా తర్వాత పాంటింగ్, క్లార్క్ చెరో రెండు సార్లు ప్రయత్నించినా ఫలితం దక్కలేదు.
గతేడాది దక్షిణాఫ్రికాతో జరిగిన టెస్టు సిరీస్లో బాల్ ట్యాంపరింగ్తో కెప్టెన్ స్టీవ్ స్మిత్, డేవిడ్ వార్నర్, బాన్క్రాఫ్ట్ ఏడాది నిషేధానికి గురయ్యారు. ఈ కారణంగా టిమ్ పైన్ను సారథిగా నియమించింది ఆసీస్ క్రికెట్ బోర్డు. సాధారణంగా జాతీయ జట్టుకు అత్యుత్తమమైన 11 మంది క్రికెటర్లను ఎంపిక చేస్తుంది ఆస్ట్రేలియా. వారిలో నెంబర్ వన్గా ఉన్న ఆటగాడిని కెప్టెన్గా నియమిస్తుంది. ఈ సంప్రదాయానికి భిన్నంగా పైన్కు అనుకోకుండా బాధ్యతలు అప్పగించింది.
అప్పటికే పైన్ వీడ్కోలు పలికే యోచనలో ఉన్నాడు. అవమానం పాలై ఆత్మవిశ్వాస లోపంతో ఉన్న కంగారూ జట్టును విపత్కర పరిస్థితుల్లో నడిపించేదెవరు? అన్న సందేహం కలిగినపుడు క్రికెట్ ఆస్ట్రేలియాకు టిమ్ పైన్ కనిపించాడు. ఏడాది పాటు ఇబ్బందికర పరిస్థితుల మధ్య జట్టును ముందుకు నడిపించాడీ ఆటగాడు.
స్మిత్, వార్నర్ జట్టులోకి పునరాగమనం చేశాక కంగారూ జట్టు దశ మారింది. ప్రపంచకప్లో వార్నర్ సత్తాచాటితే.. యాషెస్లో స్మిత్ పరుగుల వరద పారిస్తున్నాడు. తొలి టెస్టు రెండు ఇన్నింగ్స్ల్లోనూ రెండు శతకాలు చేసి కంగారూ జట్టుకు అద్భుత విజయాన్ని అందించాడు. రెండో టెస్టులోను 92 పరుగులు చేసి గాయంతో రెండో ఇన్నింగ్స్కు దూరమయ్యాడు. ఫలితంగా ఆ మ్యాచ్ డ్రా అయింది.
మూడో టెస్టుకు స్మిత్ దూరం కావడం.. ఇంగ్లాండ్ బ్యాట్స్మెన్ బెన్స్టోక్స్ అద్భుత పోరాటం వల్ల ఆ మ్యాచ్లో ఓడింది ఆసీస్. నాలుగో టెస్టుకు తిరిగొచ్చిన స్మిత్ వచ్చిరావడంతోనే ద్విశతకంతో(211) అదరగొట్టాడు. రెండో ఇన్నింగ్స్లోనూ 82 పరుగులు చేసి కంగారూ జట్టును 2-1 తేడాతో ఆధిక్యంలో నిలిపాడు.
ఇదీ చదవండి: టెస్టుల్లో ఓపెనర్గా రోహిత్ శర్మ..!
