బాలీవుడ్లో కరోనా కలకలం రేపుతోంది. అక్షయ్ కుమార్తో పాటు ఇప్పటికే పలువురు స్టార్ హీరోలు వైరస్ బారినపడ్డారు. తాజాగా యువ హీరో విక్కీ కౌశ్ల్తో పాటు నటి భూమి పెడ్నేకర్కు కరోనా నిర్ధరణ అయింది. ఈ విషయాన్ని వారు సామాజిక మాధ్యమాల ద్వారా తెలియజేశారు.
"చాలా జాగ్రత్తలు తీసుకున్నా కానీ దురదృష్టవశాత్తు నాకు కరోనా పాజిటివ్గా తేలింది. అన్ని నిబంధనలు పాటిస్తూ ప్రస్తుతం నేను ఇంట్లోనే క్వారంటైన్లో ఉన్నా. డాక్టర్లు సూచించిన ప్రకారం మెడిసిన్ వాడుతున్నా. కొద్దిరోజులుగా నన్ను కలిసిన వారందరూ టెస్టు చేయించుకోవాలని కోరుతున్నా. జాగ్రత్తగా ఉండండి."
-విక్కీ కౌశల్, బాలీవుడ్ నటుడు
బాలీవుడ్ నటి భూమి పెడ్నేకర్ కూడా కరోనా బారినపడినట్లు వెల్లడించింది. "నాకు కరోనా పాజిటివ్గా తేలింది. నాకు కొన్ని లక్షణాలు ఉన్నా ఆరోగ్యం నిలకడగానే ఉంది. ప్రస్తుతం ఇంట్లోనే క్వారంటైన్లో ఉన్నా. డాక్టర్లు సూచించిన అంశాలు అనుసరిస్తున్నా. నన్ను కలిసిన వారందరూ టెస్టులు చేయించుకోండి. ఉడికించిన, విటమిస్ సి ఆహారం తీసుకుని సంతోషంగా ఉండండి. ఈ పరిస్థితిని తక్కువ అంచనా వేయకండి. నేను ఇన్ని జాగ్రత్తలు తీసుకున్నా నాకు కరోనా సోకింది. మాస్క్ ధరించండి. చేతులు తరచూ శుభ్రం చేసుకోండి. బౌతిక దూరం పాటిస్తూ జాగ్రత్తగా ఉండండి" అంటూ ఇన్స్టాలో సందేశం పోస్ట్ చేసింది భూమి.
