స్టార్ హీరోయిన్ సమంత.. ఈ ఏడాదిని ఘనంగా ముగించింది. 'మజిలీ'లో గృహిణిగా అలరించింది. 'ఓ బేబీ'లో అద్భుత నటనతో అదరగొట్టేసింది. కింగ్ నాగార్జున 'మన్మథుడు 2'లో అతిథి పాత్రలో మెరిసింది. తమిళంలో వచ్చిన 'సూపర్ డీలక్స్'లోనూ మెప్పించే ప్రదర్శన చేసింది. ఇవన్నీ బాక్సాఫీస్ దగ్గర హిట్ టాక్ అందుకున్నాయి.
ఈ ఏడాదిని విజయవంతంగా పూర్తి చేసుకున్న సమంత.. బుధవారం రాత్రి మెట్ల మార్గంలో తిరుమల చేరుకుంది. ఈమెతో పాటు నటి రమ్య ఉంది. వీరిద్దరూ గురువారం ఉదయం వెంకటేశ్వర స్వామిని దర్శించుకున్నారు. ఆ ఫొటోలను సోషల్ మీడియాలో పంచుకున్నారు.
ఇది చదవండి: సామ్-చైతూ ఐదోసారి.. 'గీత గోవిందం' లాంటి కథతో!
