యువ నటుడు నవీన్ పొలిశెట్టి ఓ నెటిజన్ను ఆశ్చర్యపరిచారు. ఈమేరకు వీడియో కాల్‌ చేసి అతడి కుటుంబసభ్యులతో మాట్లాడారు. ఇటీవల కరోనా బారినపడి తన తండ్రి కన్నుమూశారని, అప్పటి నుంచి తన తల్లి బాధతో కుంగిపోతోందని మే 5న సాయి స్మరణ్‌ నెటిజన్ ఓ ట్వీట్ పెట్టాడు. అంతేకాకుండా 'జాతిరత్నాలు' చూసిన తర్వాత ఆమె కొంత ఊరట పొందారని నవీన్ పొలిశెట్టిని ట్యాగ్ చేశాడు. అయితే సాయి పెట్టిన ట్వీట్ చూసిన నవీన్.. 'మనకెంతో ఇష్టమైన వాళ్లు చనిపోతే ఆ బాధ ఎలా ఉంటుందో నాకు తెలుసు. మీ అమ్మకు 'జాతిరత్నాలు' కొంతవరకూ ఊరట కలిగించినందుకు ఆనందిస్తున్నా. మీ వివరాలను నాకు పంపించండి త్వరలోనే సర్ప్రైజ్ చేస్తా' అని రిప్లై ఇచ్చారు.
- " class="align-text-top noRightClick twitterSection" data="
">
ఈ నేపథ్యంలోనే ఇటీవల నవీన్.. సాయికి ఫోన్ చేశారు. సాయి వాళ్లమ్మతో కొంతసేపు వీడియో కాల్‌లో మాట్లాడారు. ఈ విషయాన్ని తెలియజేస్తూ ఓ ట్వీట్ పెట్టారు. 'అమ్మ మరలా నవ్వింది. బాధ నుంచి బయటపడడం కోసం ప్రేమ ఎంతో అవసరం. అవసరమైన వారికి చేతనైనంత సాయం చేయండి' అని ట్వీట్ పెట్టారు.
'జాతిరత్నాలు’' విషయానికి వస్తే అనుదీప్‌ దర్శకత్వం వహించిన ఈ కామెడీ ఎంటర్‌టైనర్‌లో నవీన్ పొలిశెట్టి, రాహుల్‌, ప్రియదర్శి ప్రధాన పాత్రలు పోషించారు. ఫరియా అబ్దుల్లా కథానాయిక. వైజయంతి మూవీస్‌ బ్యానర్‌పై నాగ్‌ అశ్విన్ నిర్మించారు.
