బాలీవుడ్లో 3డీలో రామాయణం సినిమాను తెరకెక్కించబోతున్నారు. ఈ చిత్రానికి మధు మంతెన. ఇందులో రావణుడిగా హృతిక్.. సీత పాత్రలో దీపికా పదుకొణె నటించనున్నారని సమాచారం. రాముడి పాత్రలో ఎవరు కనిపిస్తారో ఇప్పటివరకు స్పష్టత లేదు. తాజాగా ఈ విషయంపై బాలీవుడ్ వర్గాల్లో ఓ చర్చ నడుస్తోంది.
- " class="align-text-top noRightClick twitterSection" data="
">
ఈ సినిమాలో రాముడి పాత్రలో టాలీవుడ్ సూపర్ స్టార్ మహేశ్ బాబు కనిపించనున్నారంటూ వార్తలు వస్తున్నాయి. ఆయనతో ఈ పాత్ర విషయమై చర్చలు కూడా జరిపారట నిర్మాత మధు మంతెన. మొదట ఈ పాత్ర కోసం ప్రభాస్ను తీసుకుందామని చిత్రబృందం భావించినా.. 'ఆదిపురుష్' చిత్రంలో ఓం రౌత్ రెబల్స్టార్ను రాముడిగా చూపిస్తున్నారు. దీంతో నిర్మాత మధు తన సినిమా కోసం మహేశ్ను సంప్రదించినట్లు తెలుస్తోంది.
దాదాపు 300 కోట్ల బడ్జెట్తో తెరకెక్కబోతున్న ఈ చిత్రం కోసం ఇప్పటికే ప్రీప్రొడక్షన్ పనులు మొదలయ్యాయట. మహేశ్ బాబు ప్రస్తుతం 'సర్కారు వారి పాట' చిత్రంలో నటిస్తున్నారు. అలాగే అడివి శేష్ హీరోగా రూపొందుతోన్న 'మేజర్' సినిమాకు నిర్మాతగా వ్యవహరిస్తున్నారు.
