తుంగతుర్తిలో పీడీఎస్ బియ్యం పట్టివేత... ఒకరు అరెస్ట్

తుంగతుర్తిలో రేషన్ బియ్యాన్ని అక్రమంగా తరలిస్తున్న వాహనాన్ని పోలీసులు సీజ్ చేశారు. కేసు నమోదు చేసి ఒకరిని అదుపులోకి తీసుకున్నట్లు తెలిపారు. గ్రామాల నుంచి బియ్యం కొనుగోలు చేసి... చౌటుప్పల్, చిట్యాల ప్రాంతాల్లో విక్రయిస్తున్నట్లు పోలీసులు వివరించారు.

అక్రమంగా రేషన్ బియ్యాన్ని తరలిస్తున్న మినీ వ్యాన్​ని తుంగతుర్తి పోలీసులు సీజ్ చేశారు. సూర్యాపేట జిల్లా తుంగతుర్తి పోలీస్ స్టేషన్ పరిధిలో 20 క్వింటాల పీడీఎస్ బియ్యాన్ని స్వాధీనం చేసుకున్నట్లు పోలీసులు పేర్కొన్నారు. నల్లగొండ జిల్లా పెద్ద సూరారం గ్రామానికి చెందిన తింగరబోయిన వెంకన్నను, వాహనాన్ని అదుపులోనికి తీసుకొని కేసు నమోదు చేసినట్లు వెల్లడించారు.

తుంగతుర్తి మండలంలోని వెంపటి గ్రామంలో ప్రజల వద్ద రేషన్ బియ్యాన్ని కొనుగోలు చేసి... చౌటుప్పల్, చిట్యాలకు తరలిస్తున్నట్లు ఎస్సై బత్తిని శ్రీకాంత్ గౌడ్ తెలిపారు. ఈ కార్యక్రమంలో పోలీస్ సిబ్బంది బాబర్, రవి, శ్రీధర్ తదితరులు పాల్గొన్నారు.

ఇదీ చదవండి: విషాదం: అత్తారింటికి వెళ్తూ... అనంతలోకాలకు