పాకిస్థాన్లోని ఖైబర్ పఖ్తూన్ఖ్వా ప్రావిన్సు ప్రభుత్వం పెషావర్లో ఉన్న బాలీవుడ్ దిగ్గజ నటులు రాజ్ కపూర్, దిలీప్ కుమార్ల పూర్వీకుల ఇళ్ల కొనుగోలుకు ఆయా ఇళ్ల యజమానులతో సంప్రదింపులు జరుపుతోంది.
చారిత్రక ప్రాధాన్యమున్న ఈ భవనాలను ప్రదర్శన శాలలుగా మార్చేందుకు ప్రభుత్వం ప్రయత్నిస్తున్నట్లు శనివారం ఓ సీనియర్ అధికారి తెలిపారు. ఈ భవనాలు జాతీయ వారసత్వ సంపదగా 2014లోనే నవాజ్ షరీఫ్ ప్రభుత్వం ప్రకటించింది. భవనాల కొనుగోలుకు ప్రావిన్సు ప్రభుత్వం ఇటీవలే రూ. 2.35 కోట్ల విడుదలకు ఆమోదించింది.
దిలీప్కుమార్ పూర్వీకుల ఇంటికి రూ. 80.56 లక్షలు, రాజ్కపూర్ పూర్వీకుల ఇంటికి రూ. 1.50 కోట్లు ప్రభుత్వం తరఫున ధర నిర్ణయించారు. ఈ ధరలకు ఆయా భవనాల ప్రస్తుత యజమానులు ససేమిరా అంటున్నారు.
ఇదీ చూడండి: 'ఆ హీరో ఇల్లు 200 కోట్లు- కోటిన్నరకు ఎలా ఇస్తా?'
