52 గంటలపాటు శిథిలాల కిందే తల్లీకొడుకు.. సురక్షితం

చైనా క్వాంజై నగరంలో హోటల్ భవనం కూలిన​ ఘటనలో మృతుల సంఖ్య 20కి చేరింది. 52 గంటల తర్వాత శిథిలాల కింద చిక్కుకున్న తల్లీకొడుకులను రక్షించినట్లు అధికారులు వెల్లడించారు.

చైనా క్వాంజై నగరంలో కరోనా నిర్బంధ కేంద్ర భవనం కుప్పకూలిన ఘటనలో మృతుల సంఖ్య పెరుగుతోంది. ఈ ప్రమాదంలో ఇప్పటివరకు 20మంది మరణించినట్లు ఆ దేశ అధికారులు తెలిపారు. 52 గంటల తర్వాత శిథిలాల కింద చిక్కుకున్న తల్లీకొడుకులను సురక్షితంగా బయటకు తీసినట్లు పేర్కొన్నారు. అలాగే సహాయక చర్యలు ఇంకా కొనసాగుతున్నాయని వివరించారు.

80 గదులు ఉన్న హోటల్​ను చైనా ప్రభుత్వం కరోనా నిర్బంధ కేంద్రంగా ఉపయోగిస్తోంది. వైరస్​ సోకిందన్న అనుమానం ఉన్న వారిని అక్కడే ఉంచి చికిత్స అందిస్తోంది. ఈ క్రమంలో దురదృష్టవశాత్తు శనివారం రాత్రి ప్రమాదం జరిగింది. ఘటనా సమయంలో హోటల్​లో 71 మంది ఉన్నట్లు అధికారులు వెల్లడించారు.

ఇదీ చూడండి:మోదీ, అమిత్​షాతో సింధియా సమావేశం