యాప్​లో పరిచయం.. ఆపై యువతికి వేధింపులు

స్మార్ట్​ఫోన్ ఉన్న ప్రతి ఒక్కరూ కాసేపటి వినోదం కోసం.. ప్రముఖ యాప్​లను డౌన్లోడ్​ చేసుకుంటున్నారు. ముక్కు ముఖం తెలియని వ్యక్తులతో పరిచయాలు పెంచుకుని వేధింపులు కొని తెచ్చుకుంటున్నారు. ఇలాగే.. ఓ యాప్​ ద్వారా యువతితో ఏర్పరచుకున్న పరిచయం.. ఆమెను వేధింపులు ఎదుర్కొనేదాకా తీసుకెళ్లింది. ఈ ఘటన హైదరాబాద్​లో చోటుచేసుకుంది.

న్యూడ్ ఫొటోలతో యువతిని వేధిస్తోన్న.. ఓ నిందితుడిని హైదరాబాద్ సైబర్ క్రైమ్ పోలీసులు అరెస్ట్ చేశారు. ఓ యాప్​లో పరిచయమైన ఆ వ్యక్తి.. స్నేహం ముసుగులో బాధితురాలితో మాట కలిపాడు. అలా ఆ వ్యవహారం.. న్యూడ్ ఫొటోలతో ఛాటింగ్ చేసే వరకూ వెళ్లింది. విసిగిపోయిన ఆ యువతి.. జరిగిన విషయం తల్లిదండ్రులకు తెలిపింది.

బాధితురాలి తల్లిదండ్రుల ఫిర్యాదు మేరకు కేసు నమోదు చేసుకున్న పోలీసులు, ఐపీ అడ్రస్ ఆధారంగా.. నిందితుడు ముంబయికు చెందిన అమీర్ అహ్మద్​ఖాన్‌గా గుర్తించారు. లొకేషన్‌ ఆధారంగా అతడిని అరెస్టు చేసి రిమాండ్‌కు తరలించారు.

ఇదీ చదవండి: తరగతి గదిలో ఉరేసుకుని ఇంటర్​ విద్యార్థి ఆత్మహత్య