Illegal Gas Refilling: అక్రమంగా గ్యాస్ రీఫిల్ చేయడమే తప్పు. అలాంటిది ఓ వ్యక్తి కనీస జాగ్రత్తలు తీసుకోకుండా ఇంట్లోనే గ్యాస్ సిలిండర్ రీఫిల్లింగ్ చేసే పనికి పూనుకున్నాడు. రోజూలాగానే గ్యాస్ రీఫిల్లింగ్ చేస్తుండగా.. మంటలు చెలరేగి గాయాలపాలయ్యాడు. మేడ్చల్ జిల్లాలోని దుండిగల్ పీఎస్ పరిధిలో ఈ ఘటన చోటు చేసుకుంది.
దుండిగల్లోని గండి మైసమ్మ ఆలయ సమీపంలో నివాసముంటున్న ఫిరోజ్ గ్యాస్ రీఫిల్లింగ్ చేస్తుండేవాడు. ఈరోజు కూడా పెద్ద సిలిండర్ నుంచి చిన్న సిలిండర్లోకి గ్యాస్ నింపుతుండగా ప్రమాదవశాత్తు మంటలు చెలరేగాయి. అప్రమత్తమైన కుటుంబసభ్యులు మంటలను ఆర్పేశారు. గాయపడిన ఫిరోజ్ను అంబులెన్స్లో ఆస్పత్రికి తరలించారు. సమాచారం అందుకున్న పోలీసులు ఘటనాస్థలానికి చేరుకున్నారు. కేసు నమోదు చేసుకుని దర్యాప్తు చేస్తున్నారు. ప్రమాద తీవ్రత ఎక్కువగా లేకపోవడంతో ధన, ప్రాణ నష్టం జరగలేదు. ఇలా అక్రమంగా, అనుమతులు లేకుండా గ్యాస్ రీఫిల్ చేయకూడదని పోలీసులు సూచించారు.
ఇదీ చూడండి: ఆర్మీ హెలికాప్టర్ క్రాష్కి ఒక్క నిమిషం ముందు వీడియో
