సీఎం సహాయనిధికి టీఎస్​పీఎస్​సీ విరాళం

కరోనా కష్టకాలంలో పేదలు, వలస కార్మికులను ఆదుకునేందుకు దాతలు, ప్రజాప్రతినిధులు, ఉద్యోగులు, అధికారులు ముందుకొస్తున్నారు. లాక్​డౌన్​తో ఇబ్బందులు పడుతున్న వారికి కొందరు నేరుగా సాయం చేస్తుండగా.. మరికొందరు సీఎం సహాయనిధికి విరాళాలు అందజేస్తున్నారు.

కరోనా విలయతాండవం చేస్తున్న ఈ కష్టసమయంలో చాలా మంది తమ వంతు సాయంగా ముఖ్యమంత్రి సహాయ నిధికి విరాళాలు అందజేస్తున్నారు. తెలంగాణ రాష్ట్ర పబ్లిక్​ సర్వీస్​ కమిషన్ (టీఎస్​పీఎస్​సీ) ఛైర్మన్, సభ్యులు ఒక్కొక్కరు సీఎం సహాయ నిధికి రూ.25 వేలు అందజేశారు.

రూ.1.25 లక్షలు విలువ చేసే చెక్కును ప్రగతిభవన్​లో మంత్రి కేటీఆర్​కు అందించారు. ఈ విపత్కర పరిస్థితుల్లో రాష్ట్ర ప్రజలకు తమ వంతు సాయం చేస్తున్నామని కమిషన్​ సభ్యులు తెలిపారు. లాక్​డౌన్​తో ఇబ్బందులు పడుతున్న పేదలు, వలస కార్మికులకు సాయం చేయడానికి దాతలు ముందుకు రావాలని కోరారు. ​