"మహానగరంలో ఆధునిక డిజైన్లతో కొత్త బస్ షెల్టర్లు"

హైదరాబాద్​ టూరిజం ప్లాజాలో జీహెచ్​ఎంసీ కమిషనర్ అధ్యక్షతన పలు శాఖల అధికారులతో సిటీ సమన్వయ సమావేశం జరిగింది. ఈ భేటీలో నగరంలో చేపడుతున్న అభివృద్ధి పనులపై చర్చించారు. వాహనాలు, పాదచారుల సౌకర్యార్థం జేబీఎస్ నుంచి ఎంజీబీఎస్ వరకు ఉన్న చెత్తను తొలగించాలని మెట్రో అధికారులకు కమిషనర్​ సూచించారు.

భాగ్యనగరంలో పాదచారుల కోసం ఏప్రిల్ లోపు 800 కిలోమీటర్ల ఫుట్ పాత్‌లు నిర్మిస్తామని జీహెచ్ఎంసీ కమిషనర్ లోకేష్ కుమార్ అన్నారు. హైదరాబాద్​లో రోడ్ల త‌వ్వకాల‌పై జోన‌ల్ స్థాయిలో స‌మ‌న్వయం పెంచేవిదంగా ప్రణాళిక సిద్ధం చేస్తున్నామన్నారు. కమీషనర్ అధ్యక్షతన టూరిజం ప్లాజాలో పలు శాఖల అధికారులతో సిటీ సమన్వయ సమావేశం జరిగింది. ఈ స‌ందర్భంగా హెచ్‌.ఎం.డి.ఏ, జీహెచ్ఎంసీ, మెట్రో రైలు, విద్యుత్‌, హైద‌రాబాద్ రోడ్ డెవ‌ల‌ప్‌మెంట్ కార్పొరేష‌న్‌, వాట‌ర్ వ‌ర్క్స్​, ట్రాఫిక్ పోలీస్‌, హైద‌రాబాద్‌, రంగారెడ్డి, మేడ్చల్ జిల్లాల రెవెన్యూ, ఆర్టీసీ అధికారులు పాల్గొన్నారు.

చెత్త తొలగింపునకు ప్రత్యేక ప్రణాళిక
వాహనాలు, పాదచారులు సౌకర్యార్థం జేబీఎస్ నుంచి ఎంజీబీఎస్ వరకు ఉన్న చెత్తను తొలగించాలని మెట్రో అధికారులకు కమిషనర్​ సూచించారు. మెట్రో పిల్లర్ల పక్కన ట్రాఫిక్​ ఆటంకం కలగకుండా చూసుకుంటామన్నారు. ప్రయాణీకుల సౌకార్యార్థం ఆధునిక డిజైన్లతో నగరంలో కొత్తగా బస్ షెల్టర్లు నిర్మించనున్నట్లు లోకేష్​ కుమార్​ వెల్లడించారు. మెట్రో రైల్ కోసం తొలగించిన 400 బస్ షెల్టర్లను అనువైన ప్రదేశాల్లో పునర్ నిర్మించాలని కోరారు.