'ఫ్యాబ్ ఫోన్ ఫెస్ట్' రెండో ఎడిషన్లో మొబైల్ ఫోన్లపై సరికొత్త ఆఫర్లు, డిస్కౌంట్‌లను ప్రకటించింది అమెజాన్. ఎంపిక చేసిన మొబైళ్లపై నో-కాస్ట్ ఈఎంఐ సహా.. ఎక్స్ఛేంజ్ ఆఫర్లూ వర్తిస్తాయని కంపెనీ తెలిపింది. ఇది మార్చి 22 నుంచి 25 వరకు కొనసాగుతుందని స్పష్టం చేసింది.
ఈ ఫోన్లపై 'స్మార్ట్' ఆఫర్లు..
- వన్ప్లస్ 8టీపై గరిష్ఠంగా రూ.2,500 తగ్గింపును ప్రకటించింది అమెజాన్. 8 జీబీ ర్యామ్, 128జీబీ స్టోరేజ్ మోడల్ ధర రూ.40,499కాగా.. 12 జీబీ ర్యామ్, 256 జీబీ స్టోరేజ్ మోడల్కు రూ.43,499 రూపాయలుగా ఉంది. అదే విధంగా వన్ప్లస్ 8ప్రో వేరియంట్పై గరిష్ఠంగా రూ.3,500 తగ్గింపును ప్రకటించింది.
- రెడ్‌మీ 9ఎ, రెడ్‌మీ 9ప్రైమ్, వన్ప్లస్ 8టీ, శామ్‌సంగ్ గెలాక్సీ ఎం-21 సహా.. ఇతర స్మార్ట్‌ఫోన్‌లపై ఆఫర్లను ప్రకటించింది. రెడ్‌మీ నోట్ 9ప్రో మాక్స్ వంటి మోడళ్లపైనా రూ.2,000 వరకు తగ్గింపు ఉండనుంది.
- 2020లో విడుదలైన ఒప్పో ఎ31 ఫోన్ను ఎక్సేంజీ చేసుకోవచ్చని అమెజాన్ తెలిపింది. 4జీబీ+ 64జీబీ వేరియంట్కు గరిష్ఠంగా రూ.9,990, 6జీబీ, 128జీబీ మోడల్కు రూ.11,990 వరకు చెల్లించనున్నట్టు అమెజాన్ వివరించింది.
- శామ్‌సంగ్ గెలాక్సీ ఎం51 ఫోన్పై రూ.1,250 వరకూ తగ్గింపు ఇవ్వనున్నట్లు వెల్లడించింది.
10 శాతం డిస్కౌంట్ పొందండిలా..
అమెజాన్ ఐసీఐసీఐ బ్యాంక్ క్రెడిట్ కార్డులు, ఈఎంఐ లావాదేవీలపై 10 శాతం తగ్గింపును అందించనుంది. యాక్సిస్ బ్యాంకు, సిటీ బ్యాంకుల భాగస్వామ్యంతో 10 శాతం డిస్కౌంట్ ఇస్తోంది. ఆయా సంస్థలకు చెందిన క్రెడిట్, డెబిట్ కార్డులతో కొనుగోళ్లు జరపడం ద్వారా ఈ ఆఫర్లు పొందొచ్చు. రూపే కార్డులతో జరిపే లావాదేవీలకూ ఈ ఆఫర్ వర్తించనుంది.
ఇదీ చదవండి: 110 వర్క్అవుట్ మోడ్లతో వన్ప్లస్ స్మార్ట్ వాచ్
