ఇంటర్ అడ్వాన్స్డ్ సప్లిమెంటరీ పరీక్షలను ఇంటర్బోర్డు మరోసారి వాయిదా వేసింది. అనుత్తీర్ణులైన విద్యార్థుల ప్రశ్నాపత్రాల రీవెరిఫికేషన్ ఫలితాలు ఈనెల 27న ప్రకటించాలని హైకోర్టు ఆదేశించిన నేపథ్యంలో పరీక్షలు వాయిదా వేసింది. జూన్ ఏడు నుంచి 14 వరకు ఇంటర్ మొదటి, ద్వితీయ సంవత్సరం ప్రధాన పరీక్షలు నిర్వహించనున్నారు.
మొదటి సంవత్సరం పరీక్షలు ఉదయం 9 నుంచి మధ్యాహ్నం 12 గంటల వరకు.. ద్వితీయ సంవత్సరం పరీక్షలు మధ్యాహ్నం 2.30 నుంచి 5.30గంటల వరకు జరగనున్నాయి. సప్లిమెంటరీ ప్రాక్టికల్ పరీక్షలు జూన్ 15 నుంచి 18 వరకు నిర్వహిస్తారు. జూన్ 19న నైతిక, మానవ విలువలు, జూన్ 20న పర్యవరణ విద్య పరీక్షలు నిర్వహించనున్నట్లు ఇంటర్బోర్డు కార్యదర్శి అశోక్ తెలిపారు.
ఇదీ చదవండి: అబ్బురపరుస్తున్న గురుకుల డిగ్రీ కళాశాలలు
