థ్రిల్​కు సిద్ధం కండి.. 'వైరస్ 2062' వచ్చేస్తోంది

బాలీవుడ్ ప్రేమజంట అలీ ఫజల్, రిచా చద్దా 'వైరస్ 2062' అనే పాడ్​కాస్ట్​ కోసం చేతులు కలిపారు. వీరు గొంతు అరువిచ్చిన ఈ ఆడియో థ్రిల్లర్​ శుక్రవారం స్పాటిఫైలో విడుదల కానుంది.

బాలీవుడ్ ప్రేమజంట అలీ ఫజల్, రిచా చద్దా వినూత్న ఒరవడికి శ్రీకారం చుట్టారు. ప్రముఖ మ్యూజిక్ ఫ్లాట్​ఫామ్ స్పాటిఫై రూపొందించిన ఓ పాడ్​కాస్ట్​లో భాగమయ్యారు. 'వైరస్ 2062' టైటిల్​తో రానున్న ఈ ఆడియో థ్రిల్లర్​లో వీరిద్దరూ తమ గొంతులతో అలరించనున్నారు. ఈ విషయాన్ని అలీ సామాజిక మాధ్యమాల ద్వారా తెలియజేశాడు.

"త్వరలో వస్తున్నాం. ఈ పాడ్​కాస్ట్ కోసం నా గత ట్వీట్స్​ అన్నింటినీ రిఫరెన్స్​గా తీసుకున్నాం. దయచేసి తప్పుగా అర్థం చేసుకోకండి. ఈ పాడ్​కాస్ట్ విన్నాక మీకే అసలు విషయం అర్థమవుతుంది. ఇది 2062 కథ" అంటూ రిలీజ్ డేట్​ పోస్టర్​ను ట్విట్టర్​లో షేర్ చేస్తూ క్యాప్షన్ ఇచ్చాడు ఫజల్. ఈ సిరీస్​లోని అన్ని ఎపిసోడ్లు​ శుక్రవారం స్పాటిఫైలో రిలీజ్ కానున్నాయి.

• Coming soon! All my tweets are in reference to the podcast. Please dont misconstrue. You will understand when you hear it. 2062 ki kahaani hai. pic.twitter.com/fgvvFWAr69

  — Ali Fazal M / میر علی فضل / अली (@alifazal9) September 1, 2021 " class="align-text-top noRightClick twitterSection" data="

  Coming soon! All my tweets are in reference to the podcast. Please dont misconstrue. You will understand when you hear it. 2062 ki kahaani hai. pic.twitter.com/fgvvFWAr69

  — Ali Fazal M / میر علی فضل / अली (@alifazal9) September 1, 2021

  ">

  Coming soon! All my tweets are in reference to the podcast. Please dont misconstrue. You will understand when you hear it. 2062 ki kahaani hai. pic.twitter.com/fgvvFWAr69

  — Ali Fazal M / میر علی فضل / अली (@alifazal9) September 1, 2021

అలీ ఫజల్, రిచా చద్దా ప్రస్తుతం 'గర్ల్ విల్ బీ గర్ల్స్' అనే చిత్రంలో నటిస్తున్నారు. ఈ సినిమాను వీరే స్వయంగా నిర్మిస్తున్నారు. అలాగే రిచా ఇటీవలే 'మేడమ్ చీఫ్ మినిస్టర్'​తో ప్రేక్షకుల ముందుకు వచ్చింది. సుభాష్ కపూర్ దర్శకత్వం వహించిన ఈ మూవీ జనవరిలో విడుదలైంది. అలాగే జీ5లో విడుదలైన 'లాహోర్ కాన్ఫిడెన్షియల్​'లోనూ కీలకపాత్ర పోషించింది. ప్రస్తుతం 'ఫక్రే 3', 'కాండీ', 'అభీ తో పార్టీ షురూ హువా హై' చిత్రాలు చేస్తోంది.

​అలీ ఫజల్ నెట్​ఫ్లిక్స్​లో విడుదలైన 'రే'తో చివరిసారిగా ప్రేక్షకుల ముందుకు వచ్చాడు. ప్రస్తుతం రిచాతో కలిసి 'ఫక్రే 3'లో నటిస్తున్నాడు. అలాగే ఇతడు నటించిన హాలీవుడ్ చిత్రం 'డెత్ ఆన్ ద నైల్'​ త్వరలోనే విడుదల కానుంది. ఇందులో గాల్ గాడోట్, అన్నెట్టే బెనింగ్, రస్సెల్ బ్రాండ్ కీలక పాత్రలు పోషిస్తున్నారు.

ఇక అలీ,రిచా మ్యారేజ్ విషయానికొస్తే గతేడాది ఏప్రిల్​లోనే ఈ వార్త చక్కర్లు కొట్టినా.. కరోనా కారణంగా వాయిదా పడుతూ వస్తోంది.