నటుడు, మాజీ బిగ్బాస్ కంటెస్టెంట్ అర్మాన్ కోహ్లీ మరో వివాదంలో చిక్కుకున్నాడు. మాదక ద్రవ్యాల కేసులో ఇతడి ఇంట్లో సోదాలు నిర్వహిస్తున్నారు ఎన్సీబీ అధికారులు. ప్రస్తుతం ఈ సోదాలు కొనసాగుతున్నాయి. ఈ కేసులో కీలక సమాచారం సేకరించే క్రమంలోనే తనికీలు నిర్వహిస్తున్నారు.
2018లో ఇంట్లో 41 స్కాచ్ విస్కీ బాటిల్స్ స్టాక్గా పెట్టుకున్నందుకు ఎక్సైజ్ శాఖ ఇతడిపై కేసు నమోదు చేసింది. ఇందులో విదేశీ మద్యం కూడా ఉంది. నిబంధనల ప్రకారం ఇంట్లో 12కు మించి మద్యం బాటిల్స్ను ఉంచరాదు. కానీ ఇతడు నిబంధలు అతిక్రమించిన కారణంగా ఇతడిని అరెస్ట్ కూడా చేశారు.
గతంలో అర్మాన్పై అతడి గర్ల్ ఫ్రెండ్ నీరు రాంధ్వ కేసు పెట్టింది. తనను శారీరకంగా హింసించినట్లు ఆరోపించింది. ఈ విషయంలో వారం రోజుల పాటు పరారీలో ఉన్న ఇతడిని లోనావాలా పోలీసులు అరెస్ట్ చేసి కోర్టుకు తరలించారు. ఆ తర్వాత ఈ కేసును నీరు ఉపసంహరించుకుంది.
ఇక సినిమాల విషయానికొస్తే అర్మాన్.. 'జానీ దుష్మన్', 'ప్రేమ్ రతన్ ధన్పాయో' వంటి తదితర చిత్రాల్లో నటించాడు.
