మహారాష్ట్ర అసెంబ్లీ సమావేశంలో కరోనా వైరస్ కలకలం సృష్టించింది. మొత్తం 36 మందికి కొవిడ్ పాజిటివ్గా నిర్ధరణ అయినట్టు ముంబయిలోని జేజే ఆస్పత్రి వర్గాలు సోమవారం తెలిపాయి.
మహారాష్ట్రలో మార్చి 1న బడ్జెట్ సమావేశాలు ప్రారంభమయ్యాయి. ఈ క్రమంలో ఈ నెల 6,7న అక్కడ కొవిడ్ పరీక్షలు నిర్వహించారు. అందులో భాగంగా 2,746 నమూనాలను పరీక్షించగా.. 36 వైరస్ కేసులు వెలుగుచూశాయి. మొత్తంగా వారం రోజుల వ్యవధిలో 3,900 శాంపిల్స్ను పరీక్షించగా.. 42మందికి పాజిటివ్గా తేలింది.
ఛత్తీస్గఢ్లోనూ..
ఛత్తీస్గఢ్ ఆరోగ్య మంత్రి టీఎస్ సింగ్ దేవ్, రెవెన్యూ మంత్రి జైసింగ్ అగర్వాల్కు కరోనా సోకినట్టు తేలింది. గత వారం జరిగిన అసెంబ్లీ బడ్జెట్ సమావేశాలకు ఈ ఇద్దరు మంత్రులు హాజరయ్యారు.
ఆ రాష్ట్రంలో గతవారం ఇద్దరు ఎమ్మెల్యేలు కూడా వైరస్ బారినపడ్డారు.
ఇదీ చదవండి: అసెంబ్లీకి మహిళా ఎమ్మెల్యే గుర్రపు స్వారీ
