బంగాల్లో ఎన్నికల వేడి స్వీట్ షాపులకు చేరింది. సీజన్ను దృష్టిలో ఉంచుకొని పార్టీల వైఖరికి తగ్గట్లుగా మిఠాయిలను తయారు చేస్తున్నాయి ఆ రాష్ట్రంలోని స్వీటు షాపులు. టీఎంసీ ఎన్నికల నినాదమైన ఖేలా హోబే(ఆట ఆరంభం), భాజపా ఎన్నికల్లో ఎక్కువగా వాడుతున్న 'జై శ్రీరాం' పదాలతో ప్రత్యేక మిఠాయిలను సిద్ధం చేస్తున్నాయి.
పార్టీ గుర్తులతో ఉన్న ఈ స్వీట్లకు డిమాండ్ ఉందని చెబుతున్నారు మిఠాయి దుకాణదారులు. ఈ స్వీట్లు తయారు చేయడం వెనక రాజకీయం ఉద్దేశాలు లేవని, ప్రజల్లో ఉన్న డిమాండ్ను సక్రమంగా వినియోగించుకోవడమే తమ లక్ష్యమని స్పష్టం చేస్తున్నారు.
