అమ్మ నగలమ్మి 'ఈ-బైక్​' .. విద్యార్థి అద్భుత ప్రతిభ

Rechargeable E Bike: పర్యావరణం, ఆరోగ్యంపై శ్రద్ధతో ఈ-బైక్​లు కొనాలనుకునేవారిని.. అధిక ధరలు, తగిన ఛార్జింగ్​ సదుపాయాలు, సుదూర ప్రయాణం చేయగల సామర్థ్యంతో బ్యాటరీలు లేకపోవడం నిరాశపరుస్తోంది. దీనికి పరిష్కారంగా నిలుస్తోంది ఓ ఇంజనీరింగ్​ విద్యార్థి ఆవిష్కరణ. అదే మ్యానువల్​ రీఛార్జబుల్​ ఈ-బైక్​. ఆ కథేంటో చూసేయండి..

Rechargeable E Bike: ప్రపంచవ్యాప్తంగా సంప్రదాయేతర ఇంధన వనరులపై అవగాహన పెరుగుతోంది. ప్రజలు.. పర్యావరణహిత వాహనాలను వినియోగించాల్సిన అవసరాన్ని గుర్తిస్తున్నారు. మోటార్​ కంపెనీలు సైతం సోలార్​, ఎలక్ట్రిక్​ వాహనాల తయారీని పెంచేస్తున్నాయి. అయితే వాటి ధరలు, ఛార్జింగ్ సదుపాయాలలేమి, బ్యాటరీ సామర్థ్యం లాంటివి సవాలుగా నిలుస్తున్నాయి. ఇలాంటి పరిస్థితుల్లో కొత్త ఆవిష్కరణతో ముందుకు వచ్చాడు ధనుష్​ కుమార్​ అనే ఇంజనీరింగ్ విద్యార్థి. వాటికి పరిష్కారంగా 'మ్యానువల్​ రీఛార్జబుల్​ ఈ-బైక్'​ను అభివృద్ధి చేశాడు.

రీఛార్జబుల్​ ఈ-బైక్

తమిళనాడులోని మధురై అమెరికన్​ కళాశాలలో ఫిజిక్స్​ మొదటి సంవత్సరం చదువుతున్నాడు ధనుష్. అతడు కొన్ని నెలల కిందట సౌర శక్తితో నడిచే సైకిల్​ను కూడా రూపొందించాడు.

ఈ-బైక్​ ఎలా పనిచేస్తుంది?

"నేను ఇదివరకు తయారు చేసిన సోలార్​ బైక్​ కన్నా ఇది (మ్యానువల్​ ఈ-బైక్) మూడు రెట్లు సమర్థవంతంగా పనిచేస్తోంది. దీనిలో పెడలింగ్​ వ్యవస్థను అమర్చాను. పెడల్​ తొక్కుతుంటే సైకిల్​ రీఛార్జ్​ అవుతుంది. కార్లలో వాడే ఆల్టర్​నేటర్​ పెడలింగ్​ చైన్​కు అనుసంధానించాను. దాని వల్ల ఈ-బైక్​ ఆటోమెటిక్​గా ఛార్జ్​ అవుతుంది. కాబట్టి, ప్రయాణంలో ఎలాంటి అంతరాయం ఏర్పడదు."

-ధనుష్ కుమార్, విద్యార్థి

ఈ- బైక్​ సామర్థ్యం ఎంత?

"ఈ-బైక్​ ఒకసారి ఛార్జ్​ అయితే.. గంటకు 100 కి.మీల వేగంతో సరాసరి 40కి.మీలు ప్రయాణం చేయొచ్చు. అప్పడు ఛార్జ్​ అయిపోతే.. గంటసేపు పెడలింగ్​ (తొక్కడం) ద్వారా మళ్లీ ఛార్జ్​ అవుతుంది. బ్యాటరీతో పాటు ఆల్టర్​నేటర్​ పవర్​ కూడా ప్రయాణానికి ఉపకరిస్తుంది. సోలార్​ బ్యానర్​కైతే ఎక్కువ స్థలం కావాల్సి ఉంటుంది. కానీ, ఈ- బైక్​కు అంత అవసరం లేదు. పైగా ఇది పర్యావరణహితం, ఆరోగ్యకరం." అని చెప్పాడు ధనుష్​ కుమార్​.

ధనుష్​ కుమార్​

తల్లి నగలు అమ్మి విద్యాభ్యాసం..

దీనిని ప్రజలకు చేరువ చేసేందుకు కోయంబత్తూర్​లోని ఓ ప్రైవేట్​ సంస్థతో పనిచేస్తున్నాడు ధనుష్. తన తల్లి నగలను అమ్మి చదువును కొనసాగిస్తున్నట్లు తెలిపాడు. అంతేకాక, తమిళనాడు రూరల్ ఇండస్ట్రీస్ మినిస్టర్​ టీ.ఎం. అన్బరసన్​ తనకు ఆర్థిక సహకారాన్ని అందించడం గర్వంగా ఉందని చెప్పాడు. తన ప్రయత్నంలో కళాశాల ప్రిన్సిపల్​, డిపార్ట్​మెంట్​ హెడ్​ ప్రోత్సాహం ఎంతో ఉందన్నాడు.

మ్యానువల్​ రీఛార్జబుల్​ ఈ-బైక్​

ప్రత్యేకత అదే..

"ధనుష్​ గతంలో తయారు చేసిన సైకిల్​.. ఛార్జింగ్​ సమస్యను ఎదుర్కొంది. దానికి ఛార్జింగ్ ఇంట్లోనే ​పెట్టి, ప్రయాణించాల్సి వచ్చేది. కానీ, ప్రస్తుత ఈ-బైక్​లో పెడలింగ్​ ద్వారా ఛార్జ్​ కాగల సామర్థ్యం ఉంది. అదే దాని ప్రత్యేకత" అని ధనుష్​ కుమార్​ టీచర్​ డా.మూర్తి కొనియాడారు.

ఇదీ చూడండి: