సీబీఐ డైరెక్టర్గా రిషీ కుమార్ శుక్లా పదవి విరమణ పొందిన నేపథ్యంలో తాత్కాలిక చీఫ్గా అదనపు డైరెక్టర్ ప్రవీణ్ సిన్హా గురువారం బాధ్యతలు చేపట్టారు. 1988 బ్యాచ్ గుజరాత్ క్యాడర్ ఐపీఎస్ అధికారి అయిన సిన్హా.. ఎస్పీ, డీఐజీ, జాయింట్ డైరెక్టర్గా వివిధ విభాగాల్లో విధులు నిర్వహించారు. 2015-18 మధ్య సెంట్రల్ విజిలెన్స్ కమిషన్కు అదనపు కార్యదర్శిగా పనిచేశారు.
"బ్యాంకు కుంభకోణాలు, ఆర్థిక నేరాలు, బాంబు పేలుళ్లు మొదలైన ముఖ్య కేసుల దర్యాప్తులో సిన్హా కీలక పాత్ర పోషించారు. 2017లో సెంట్రల్ విజిలెన్స్ కమిషన్, 2020లో సీబీఐ (క్రైమ్)ల నియమ నిబంధనలు రూపొందించడంలో ఆయన పాత్ర ఎనలేనిది."
-ఆర్.సి.జోషి, సీబీఐ అధికార ప్రతినిధి
సంస్కరణలు చేపట్టేందుకు సెంట్రల్ విజిలెన్స్ కమిషన్ ఆధ్వర్యంలో నడిచే వివిధ కమిటీలలో సిన్హా భాగస్వాములని జోషి తెలిపారు. నేర చట్టాలలో సంస్కరణలు చేపట్టేందుకు హాంశాఖ నేతృత్వంలోని కమిటీలో కూడా ఆయన భాగమని పేర్కొన్నారు.
ఇదీ చదవండి : గ్రెటా 'నిరసనల కుట్ర'పై దిల్లీ పోలీసుల కేసు
