కొవిడ్ అనంతరం భారత్, యునైటెడ్ అరబ్ ఎమిరేట్స్ (యూఏఈ)ల మధ్యపరస్పర సహకారం, సన్నిహిత సంప్రదింపులను కొనసాగించడానికి భారత ప్రధాని నరేంద్ర మోదీ, అబుధాబీ కాబోయే యువరాజు షేక్ మహమ్మద్ బిన్ జయేద్ అల్ నహ్యాన్లు అంగీకారానికొచ్చారు. ఈ మేరకు అబుధాబీ యువరాజుతో ప్రధాని మోదీ ఫోన్లో మాట్లాడినట్లు ప్రధానిమంత్రి కార్యాలయం (పీఎంఓ) గురువారం తెలిపింది.
ఈ సందర్భంగా.. రీజన్లో కొవిడ్ ప్రభావంపై చర్చించిన నేతలిద్దరూ ఆరోగ్య సంక్షోభ సమయంలోనూ ఉభయ దేశాల మధ్య సహకారం కొనసాగడం పట్ల సంతృప్తి వ్యక్తం చేశారు. వాణిజ్యాభివృద్ధి, పెట్టుబడులకు సంబంధించి అవకాశాలపై చర్చించారు. కొవిడ్ సంక్షోభం త్వరలోనే సమసిపోతుందన్న విశ్వాసాన్ని నేతలిద్దరూ వ్యక్తం చేశారు. కాగా మహమ్మద్ బిన్ జయేద్తో సాదర చర్చలు జరిగినట్లు ప్రధాని మోదీ ట్విట్టర్లో పేర్కొన్నారు.
ఇదీ చదవండి : 'విదేశాలకు ఉచితంగా 55 లక్షల డోసులు'
