రఫేల్ పత్రాలు పోయాయన్న బాధ లేని కాపలాదారు దేశానికి అవసరమా అంటూ వ్యంగ్యాస్త్రాలు సంధించారు. దేశంలో నిరుద్యోగ సమస్యను ఎన్నికల్లో ఓట్ల కోసమే భాజపా కప్పిపుచ్చే ప్రయత్నం చేస్తోందని ఆరోపించారు.
"భాజపా నాయకులు వారికి ఇష్టమొచ్చిన పేర్లు పెట్టుకోవచ్చు. అయితే ఆ ప్రక్రియలో రాజ్యాంగ పదవులను ఏ రకంగానూ అవమానించకూడదు. రఫేల్ పత్రాలు మాయమైతే వీరికి ఎలాంటి బాధ లేదు. నిరుద్యోగం, రైతు సమస్యలు వంటి వివరాలు బయటకు రాకుండా మాత్రం జాగ్రత్త పడతారు." - మాయావతి, బీఎస్పీ అధినేత్రి
ప్రధానితో సహా భాజపా నాయకులు పేర్ల ముందు చౌకీదార్ పెట్టుకున్నారు. ఉత్తర్ప్రదేశ్ ముఖ్యమంత్రి యోగీ ఆధిత్యనాథ్ మాత్రం చౌకీదార్ పదం తగిలించుకోలేదని మాయావతి గుర్తుచేశారు. చౌకీదార్గా ఉండాలో, ప్రజా సేవకుడిగా ఉండాలో లేక యోగిగా మిగలాలో తెలియని సందిగ్ధంలో యూపీ సీఎం ఉన్నారని మాయావతి ఎద్దేవా చేశారు.
