'మోదీ నమస్తే' చిత్రంతో సైకత శిల్పి కరోనా సందేశం

భారత్​ సహా ప్రపంచాన్ని కలవరపెడుతున్న కరోనాపై అవగాహన పెంచేందుకు ప్రఖ్యాత సైకత శిల్పి సుదర్శన్​ పట్నాయక్​ తన వంతు కృషి చేస్తున్నారు. ప్రధాని నరేంద్ర మోదీ నమస్తే పెడుతున్న దృశ్యాన్ని పూరీ తీరంలో రూపొందించారు. కరోనా నియంత్రణకు కరచాలనం చేయొద్దని సందేశమిస్తున్నారు.

ప్రపంచ దేశాలతో పాటు భారత్​ను వణికిస్తోన్న మహమ్మారి కరోనా. ఈ వైరస్​పై అవగాహన పెంచుతూ.. ఎవ్వరూ కరచాలనం చేయకూడదంటూ అంతర్జాతీయ ప్రఖ్యాత సైకత శిల్పి సుదర్శన్​ పట్నాయక్​ సందేశమిస్తున్నారు .

ప్రధాని నరేంద్ర మోదీ నమస్తే పెడుతున్న చిత్రాన్ని రూపొందించి.. 'నమస్తే పెట్టండి. కరచాలనాన్ని వీడండి' అని సందేశంతో ఒడిశా పూరీ తీరంలో సైకత శిల్పాన్ని రూపొందించారు. ప్రస్తుతం ఈ దృశ్యాలు చూపరులను ఎంతగానో ఆకట్టుకుంటున్నాయి. కరోనా నింయత్రణకు భారత​ సంప్రదాయమైన నమస్కారాన్ని అందరూ పాటించాలని అమెరికా అధ్యక్షుడు డొనాల్డ్​ ట్రంప్ ఇటీవలే ప్రపంచదేశాలకు పిలుపునిచ్చారు.