గంజాయికి బానిసై...కటకటాల పాలైన విద్యార్థులు

ఉన్నత విద్యను అభ్యసించిన నలుగురు విద్యార్థులు మత్తు మందుకు బానిసయ్యారు. ఉన్నత శిఖరాలను అందుకోవాల్సింది పోయి చెడు వ్యసనాలకు లొంగిపోయారు. చివరకు పోలీసులకు చిక్కి కటకటాల పాలయ్యారు.

విశాఖ నుంచి హైదరాబాద్​కు గంజాయి తరలిస్తుండగా గుంటూరు జిల్లా తాడేపల్లిలో నలుగురు విద్యార్థులను పోలీసులు అరెస్ట్​ చేశారు. ఆ నలుగురు ఇంజినీరింగ్ విద్యార్థులు అరకులో ఓ మధ్యవర్తి ద్వారా రెండున్నర కిలోల గంజాయి కొనుగోలు చేసి... హైదరాబాద్​కు తరలిస్తున్నారని తాడేపల్లి సీఐ అంకమరావు వెల్లడించారు. దారి మధ్యలోనే పావుకిలో గంజాయిని విద్యార్థులు సేవించినట్లు సీఐ తెలిపారు. గంజాయితో పాటు కారును స్వాధీనం చేసుకున్నట్లు తెలిపారు.

ఇదీ చూడండి: అవనిగడ్డలో 30 లక్షల విలువైన గంజాయి స్వాధీనం