భారత వర్ధమాన క్రీడాకారుడు రాబిన్ ఊతప్ప చీలమండ గాయం నుంచి కోలుకున్నాడు. ఇటీవలే శస్త్ర చికిత్స చేయించుకున్న ఈ ఓపెనర్.. ప్రస్తుతం ఫిట్గా ఉన్నట్లు ప్రకటించాడు. తాజాగా సయ్యద్ ముస్తాక్ అలీ టోర్నమెంట్లో సౌరాష్ట్ర తరపున 46 పరుగులతో ఆకట్టుకున్నాడు. ఐపీఎల్లో కోల్కతా తరఫున సత్తా చాటుతానని తెలిపాడు.
చీలమండ గాయంతో నాలుగు నెలల నుంచి ఆటకు దూరంగా ఉన్నాడు ఊతప్ప. తన కోచ్ అభిషేక్ నాయర్ సాయంతో తిరిగి ఫామ్లోకి వచ్చానని కేకేఆర్ వెబ్సైట్లో వెల్లడించాడు.
"ప్రస్తుతం ఫిట్గా ఉన్నాను. చీలమండ గాయం వేధించింది. అనంతరం శస్త్రచికిత్స జరిగింది. ఈ సమయంలో చాలా నేర్చుకున్నాను. గాయం నుంచి త్వరగా కోలుకున్నందుకు సంతోషంగా ఉంది. ఐపీఎల్లో వీలైనంత వరకు ఎక్కువ బంతులాడటానికి ప్రయత్నిస్తా"
--కోల్కతా ఆటగాడు రాబిన్ ఊతప్ప
