పుల్వామా ఉగ్రదాడి తర్వాత పాకిస్థాన్పై యావత్ దేశం ఆగ్రహం వ్యక్తం చేస్తోంది. ఒకవైపు సినీరంగంలో పాకిస్థాన్ నటుల బహిష్కరించారు. మరోవైపు క్రీడల్లో పాక్ క్రికెటర్ల చిత్రాలను తొలగించారు. ఆ దేశంతో క్రికెట్ మ్యాచ్లూ ఆడవద్దంటూ పలువురు సూచిస్తున్నారు.
పుల్వామా దాడిని ఖండించారు ఐపీఎల్ ఛైర్మన్ రాజీవ్ శుక్లా. పాక్తో ఇకపై ఎలాంటి మ్యాచ్లు భారత్ ఆడకూడదని సూచించారు. తీవ్రవాదాన్ని ప్రోత్సహించే దేశంతో క్రీడలు ఆడటం మంచిది కాదని ఆయన తెలిపారు.
ప్రపంచకప్లో పాక్తో మ్యాచ్ ఆడాలా.. వద్దా అనే విషయంపై ఇంకా స్పష్టత లేదని.. కొంతకాలం వేచి చూడాల్సిందేనని పేర్కొన్నారు.
పుల్వామాలో గత గురువారం జరిగిన ఉగ్రవాదుల దాడిలో 40 మంది జవాన్లు అమరులయ్యారు. ఈ ఘటనతో పాకిస్థాన్పై రాజకీయంగా ఒత్తిడి తేస్తూనే క్రీడలు, సినిమాల్లోనూ వారిని ఒంటరి చేయాలని భారత్ భావిస్తోంది.
