భారత్-ఆస్ట్రేలియా మధ్య జరగబోయే టీ 20, వన్డే సిరీస్కు ఆల్రౌండర్ హార్ధిక్ పాండ్యా దూరమయ్యాడు. వెన్నునొప్పి కారణంగా సిరీస్ నుంచి తప్పించినట్టు బీసీసీఐ ప్రకటించింది. హార్ధిక్ స్థానంలో రవీంద్ర జడేజాను జట్టులోకి తీసుకోనున్నారు.
- వెన్నునొప్పితో బాధపడుతున్న పాండ్యాను బీసీసీఐ వైద్యబృందం పరీక్షించింది. హార్ధిక్ ఇంకా కోలుకోలేదని, విశ్రాంతి అవసరమని సూచించింది. ఆస్ట్రేలియాతో జరగనున్న టీ 20, వన్డేలకు 14 మందితో కూడిన జట్టును ప్రకటించింది సెలెక్షన్ కమిటీ. ఈ మ్యాచ్లలో పాండ్యా స్థానంలో జడేజాను ఎంపిక చేసింది.
భారత పర్యటనలో ఉన్న ఆసీస్ రెండు టీ 20లు, 5 వన్డేలు ఆడనుంది. ఫిబ్రవరి 24న విశాఖలో తొలి టీ 20 ప్రారంభం కానుంది. గత నెలలో వివాదస్పద వ్యాఖ్యలతో సస్పెన్షన్కు గురయ్యాడు పాండ్యా. సుప్రీంకోర్టు ఆదేశంతో జట్టులోకి వచ్చిన ఈ ఆల్రౌండర్ న్యూజిలాండ్ పర్యటనలో ఆకట్టుకున్నాడు.
